وابتديت دلوقتى اخاف........اخاف لا العمر يجرى

اغنيه مصمم ومشغلها صاحب المحل اللى جنبنا دلوقتى
اتعجبت قوى من اصرار واحده كده على عمرها اللى جاى
بتعيد وتزيد فى الكلمه كأنها بتأكد لنفسها ان عمرها الجاى مش حيضيع
فتملكتنى الغيره بصراحه وقلت اشمعنى انا
مانا كمان حاخاف لا العمر يجرى
وبعد ما فكرت من المره اللى فاتت
لقيت انه حتى لو مش باحب حاجه ولا عاوزه حاجه معينه
الا انه فيه اسباب لحياتى
حتى لو تقليديه
وحتى لو مش مهمه بالنسبه لاى حد
فهى بالنسبه لى اسباب احب عشانها عمرى
ولقيت فعلا انه الحياه ممكن تبقى حلوه

ماذا احب

ماذا أحب ؟؟
سؤال ليس بغريب استرعى انتباهى منذ فتره
فأنا بعد لم اقرر ماذا احب
ورغم ان سنوات عمرى تعدت العشرين ببضعة اشهر الا اننى لا زلت لا احب شيئا
فلا افضل اكله ولا لون ولا حتى فيلما
اللهم الا بعض من اغانى فيروز لا استمع لسواها

وبعد بحث عميق اكتشفت انى احب شيئا
احب ان استمع اراء الاخرين او حتى ان انفذ اقتراحاتهم لا لاحترامى رأيهم
انما كى احمل عن نفسى عبء تحمل المسئوليه ووزر الندم
احب الوحده واعترف انها عاده معروفه عندى
ليس بسبب الهدوء وانما كى اتجنب تصرفا يمكن ان يتسبب فى كارثة مع غيرى

واحب الكتابه
لانى ابغض الكلام
ليس كل الكلام ولكن كلامى انا
واحب القراءه
لانى اصبحت اكره التفكير فاستقى من الكتب خبرات تجاوزت عمرها القرون قد تصلح لى او لا تصلح
ولكنى اجنب نفسة مغبة التفكير فى عواقب الامور

قرأت (الرباط المقدس ) لتوفيق الحكيم ورغما عنى احببت شخصية البطله
ومنها قرأت (تاييس ) واحببت الشخصيه ايضا
فكلتهاهما استطاعت ان تعترف بالحقيقه
ان تصرح عن نفسها وعن طبيعتها حتى لو كانت مخبوله او مغروره او ماجنه
اما انا
انا احب نفسى لكنه حبا مموها غير مكتمل الملامح
لانى لا ادرك بعد ملامحى
بعض الناس يصفنى بالجاده والبعض الآخر بالمتهوره
واتهمنى آخرون بالعبث
ووقرنى آخرون لشدة احترامى

ارى نفسى كل هؤلاء على حده لكنى لا ارى ملامحى فيهم ابدا

انتظر ان اجد شيئا احبه او عادة اعرفها حتى لة كانت خاطئه
فستكون حينها
مجرد بدايه

مش مكانه

صور كتير ملو الخيال
وألف مليون احتمال
لكن أكيد أكيد أكيد
ولا جدال
جيفارا مات موتة رجال
من اجمل الكلمات اللى باحبها لاحمد فؤاد نجم
باحس انه كان شايفه فعلا ساعتها مع انه قال انه مش شايفه
ليه حاسه انه جيفارا اتظلم وانه ماكانش مكانه
مع انى متأكده انه حب الناس وحب انه يموت عشانهم
انه معنديش انتماء لمبدأ معين عشان كده يمكن مش عارفه افهم وجهة نظره
لكن اكيد اكيد اكيد ولا جدال
المبدأ حاجه حلوه جدا

اول يوم هنا

معنديش مكان تانى اروحه غير هنا
مع انى فضلت فى صراع طويل عشان المدونه دى
بس حاسه انى حالاقى نفسى لوحدى
اللى يقرا الكلام ده يدعيلى بجد الاقى حياتى اللى كنت باحبها
انا اتغيرت كتير قوى عن زمان
نفسى ابقى زى ماكنت
اللى مضايقنى فعلا هو كسلى
يارب ساعدنى